qep'a' wejmaH cha'DIch

qaStaHvIS qep'a' wejmaH cha'DIch jIjeS 'ej vItIvta'. latlh tlhIngan Hol jatlhwI'pu' vIleghta' 'ej tlhIngan Hol vIqeqta' 'ej ghem vISopta' 'ej jIQuch.

qaStaHvIS DIS veb qep'a' chaq jIjeS 'ej chaq jIjeSbe'. 'e' vISovbe'. 'ach 'op nem jIjeSqa'. tlhIngon Hol yuvwan vIparHa'qu'.

SoQHomwIj

qaSpa' SoQHom qaD lutvam ngaj vIghItlhta':

rav qangtlhIn He vItlha'.
Dochmey ghajlu'chugh tlhumlu'. Dochmey ghajlu'chugh vay' lughaj DochmeyDaj je.
vaj DochmeywIj vIDerghta' 'ej mubelmoHta'.
Huch ghajlu'chugh tlhumlu'. Huch ghajlu'chugh vay' ghaj HuchDaj je.
vaj HuchwIj vIDerghta' 'ej mubelmoHta'.
tuq ghajlu'chugh tlhumlu'. tuq ghajlu'chugh vay' ghaj tuqDaj je.
vaj tuqwIj vIDerghta' 'ej mubelmoHta'.
DaH pagh vIghaj, 'ach latlh Dochmey vIDerghnIS. potlhchu'qu'.
vaj wa'leS Qel vISuch 'ej qIvonmeywIj vIDergh.
DaH pe'vIl 'e' vIHar.
ghIq, tagha', jItlhab.

'ej tlhab 'oH mu'wIj'e'. SoQHom Qatlh vIlo'ta'be' 'ach DaH qaSpu' qep'a' 'ej chaq 'op leS vay' vIghItlh.

qep'a' rey' bomwIj

Gilbert Sullivan je bom A British Tar is a Soaring Soul 'ay' wa'DIch vImughta' 'ej qaStaHvIS qep'a' rey' vImuchta'. naDev bIH mu'mey'e':

qajtaHbogh qa' ghaj tlhIngan SuvwI'
tlhab HuD bo'Degh rurqu'

HI''a' mu'mey qaDmeH
'ej yotwI' DoHmoHmeH reH
ro'Daj HoSghaj lo'rupchu'

reH jevnIS ghIchDaj 'ej monnIS nuj
qabDajDaq meQnISlu' 'ej vIlba' Quch!
reH pe'vIl tlhuHnIS 'ej may' quv naj
'ej Hochlogh pummoHchu'meH mupbeH ro'na'Daj!

chaq 'op leS 'ay' cha'DIch vImughta'. qaStaHvIS qep'a' bomvam vImughlI' ach vImughta'. vImughmeH poH vIghajbe'.